Azeri Blog

بیر جوجوق ایدیم یئره گومدیلار سنی
حیاتا قانادسیز آتدیلار منی
باخ نئجه پوزولوب عمرین گلشنی
حیات سن سیز منه زنداندیر آنا!
قوینوندا بسله نر گوزل دیلکلر
لاییقدیر سجده یه سنه ملکلر
نرده سن،گوزلریم هپ سنی بکلر
باخ اولادین ناسیل گریاندیر آنا!
سن بیر گونش ایدین،دوغدوندا باتدین
یازیق اولادینی غملره آتدین
بیر جواب وئر،هانکی مرادا چاتدین
تورپاقلاردا نئچه زماندیر آنا!؟
بیر آه چکسم سنسیز قوپمازمی طوفان؟
عزیزیم آنا جان،گوزوم آنا جان
یوموق گوزلرینی آچ دابیر اویان
ایندی زمان باشقا زماندیر آنا!
ییخیلیب پایینه اولمک ایسته رم
آنالیق مهرینی گورمک ایسته رم
سنی گورمک ایچون اولمک ایسته رم
تسللیم آه ایله فغاندیر آنا!

پریشان حالیم اولدوم سورمادین حال پریشانیم                   غمین دن درده دوشدوم قیلمادین تدبیر درمانیم
نه دئرسن روزگاریم بویله می کئچسین گوزل جانیم؟            گوزوم جانیم افندیم سئودیگیم دولتلی سلطانیم

اسیر دام عشقین اولالی سن دن وفا گورمن                      سنی هر قاندا گورسم اهل درده آشنا گورمن
وفا و آشنالیق رسمینی سن دن روا گورمن                        گوزوم جانیم افندیم سئودیگیم دولتلی سلطانیم

دیر هر دم وفاسیز چرخ یاییندان بنا بین ا                           کیمه شرح ائیله ییم کیم محنت و اندوه و دردیم چوخ؟
سنه قالدی مروت سندن ئوزگه هیچ کیمسه م یوخ              گوزوم جانیم افندیم سئودیگیم دولتلی سلطانیم

گوزومدن دم به دم باغریم اوزوب یاشیم گیبی گئتمه              سنی ترک ائتمه زم چون بن بنی سن داخی ترک ائتمه
اماندیر ظالیم اولما بن گیبی مظلومی اینجیتمه                    گوزوم جانیم افندیم سئودیگیم دولتلی سلطانیم

قاتی کونلون نه دن بو ظلم ایله بیداد راغیبدیر                      گوزل لر سن گیبی اولماز جفا سن دن نه واجیبدیر؟
سنین تک نازینه نازنین ایش لر مناسیب                             گوزوم جانیم افندیم سئودیگیم دولتلی سلطانیم

نظر قیلمازسان اهل درد گوزدن آخیلدان سئیله                   یامان لیق دیر ایشین عشاق ایله یاخشی می دیر سویله؟
گل اللاهی سئورسن عاشقه جوور ائتمه لطف ائیله              گوزوم جانیم افندیم سئودیگیم دولتلی سلطانیم

"فضولی" شیوه ی احسانین ایستر بیر گداییندیر                         دیریلدیکجه سگ کویون ئولن ده خاکپاییندیر.
                                                 گرک ئولدور گرک قاو حکم حکمون رای رایینیدیر
                                                 گوزوم جانیم افندیم سئودیگیم دولتلی سلطانیم

یکدم بیا و بنشین ای ترک روی سوسن!                          مــــــی میرم از فراقت منی، سالیب گئدرسن.
بسیار جــان بـدادم تـــا آمـــدی به دستم                          کـــــــس را سخن نباشد ،گر قانیمی توکرسن
ای مـــعدن لطافت وی حسـن گنج آفـت!                          سر ها فدای راحت ،اوردان کی سن کئچرسن
تو حاکمی و سلطان ما جمله بنده فرمان                           امــروز روز لطف است ،گـــر الیمـــی توتارسان.
                                          از عشــــق تو "فضولـــــــــی"بــسیار زار گرید
                                          اکنون چه چاره سازم، مــــن آغلارام گوارسن!

تانری آمانیندا

 

سلام دیلداشلاریم.

یارین رهئ عشقینده کونول قان اولا، خوشدور
هیجرینده گوزوم هر گئجه گیریان اولا، خوشدور
من کی، بو قارا گوزلولر عشقینده اسیرم
سینم هدفئ- ناوکئ- مژگان اولا خوشدور
سن عصریمیزین ایندی زولئیخاسی سان، ای گول!
عاشیق سنه مین یوسفی کنعان اولا، خوشدور
ییغما باشینا، ناز ایله بیر شانه چک هردن
کونلوم کیمی، زولفونده پریشان اولا، خوشدور
گل سینه نی گوستر منه هر صبح زمانی
گول بولبول اوچون چاکئ گریبان اولا، خوشدور
رخسارین اودو کونلومو یاخدیقجا سئویننم
پروانه اوچون شعله یئ سوزان اولا، خوشدور
جانان نه جفا ائیلسه، واحید یئنه صبر ائت
عشق اهلی اسیری غم جانان اولا، خوشدور

خوش است
در راه عشق اگر دل خون شود ، خوش است
اگر در فراقش هر شب چشمانم گریان شود ، خوش است
من که اسیر عشق این سیه چشمانم
اگر ناوک مژگانش سینه ام را هدف گیرد ، خوش است
ای گل ، تو اکنون زلیخای عصر مائی
اگر هزار یوسف کنعان عاشق تو شوند ، خوش است
دور سرت جمع نکن ، گاه گداری پریشان کن
دلم را ، که اگر در سر زلفت پریشان شود ، خوش است
بیا و سینه ات را هر صبح نشانم بده
اگر بلبل برای گل گریبانش را چاک کند ، خوش است
اگر آتش رخسارت دلم را به آتش بکشد خوشحال می شوم
اگر به خاطر پروانه شعله سوزانی شود ، خوش است
جانان هر چه جفا کند ای واحد صبر کن
اگر اهل عشق اسیر غم جانان شود ، خوش است
شعر از:

خوشدور / علی آقا واحد

دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
کیم اگر ایسترسه آناسی خار اولسون
دیلی لال گوزلری کور قولاخ لاری کار اولسون
کیم آنا زحمتینی دانسا اونا آر اولسون
چکن اولاد چون عذاب اذیتی سن سن آی آنا
 دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
اله وارلیخ سان آنا آدین دیللر ازبریمیز
نفسون گولن یرده یوخده بیزیم دتلریمیز
چوخ گوزل کلام دییب محمد پیغمبریمیز
انسانی بخش الیین جنتی سن سن آی آنا
دیلیمین هر سوزی هر صحبتی سن آی آنا
یگانه کس ده او آنام عزیز مقدس ده منه
اللهی یر اوزونون آنجاق امین کسده منه
حیاتین شیرینلیگی لذتی سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
ای جوانلار آنانین ساخلیین حرمتینی
جانیمیز دور قانمیز دور چکی گون غیرتینی
اونودماق گناه منجه آتانین زحمتینی
آتادان دا چوخ چکن زحمتی سن سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
خسته لن سن آی آنا دردینه درمان نه اولوم
عمره یوخ دا وفا یانیندا هر آن من اولوم
سنین آق ساچلارین آق رنگینه قوربان من اولوم
 هر زمان جلب الیین دقتی سن سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
ناگلین جن اجل انسان یرینی درک الییر
نچه ایلدیر گوزومون حصرتی سن سن آی آنا
دیزیمین قوللاریمین طاقتی سن سن آی آنا
دیلیمین هر سوزی هر صحبتی سن آی آنا
بوسوزلر بوتون انسانلارا آییخ دی.آنا یا حرمت ادین قارشی سیندا باش ایین.آنا مقدس آیری وارلیخ ده آنادان دویماخ اولمور.هیچ آنادان بوزمک اولار.آنانین قدرینی ساغ لیغیندا بولون.

سلام دوستلار.

ترکی وبلاگ لا رایچینده بیر موسابقه برگزار اولوب کی او عزیز لری کی ایستیرلر منیم وبلاگیما رای ورسینر بو لینکدن الیه بیللرhttp://duzli-oghlan.blogfa.com/page/musabiqa.aspx

گئـچيب جـاندان اؤز ائليـه جـان وئره ن
بابكم من آذربـايجــان اوغلويـام
آنـا يوردا اوره كدن عئشق بسلــه يه ن
بـابكم من آذربـايجــان اوغلويـام

ايللــر بـويـو ، جـللاد بـوينـو بـورمـوشام
سينـه گـريب دوشمـه نيمـي يورموشام
ائللريميــن خـيــدمتينــده دورمـوشــام
بـابكم من آذربـايجــان اوغلويـام

بـاغلي قوللا معتصــم'دن قــورخمــاديم
اؤلوم گلدي من سؤزومدن چـيخماديم
آل قانيمي مه ير اوزه يـاخماديم
بـابكم من آذربـايجــان اوغلويـام

تـاريخيمــي آل قــانيمــلا يــازميشــام
قودوزلارا دريــن قـبير قــازميشـام
كيم دئييري من يولومو آزميشام
بابكم من آذربـايجــان اوغلويـام

هوندور داغـام سئللــر منــي ييخـمادي
دوشمنيم ده اوزومه خــور بـاخمادي
آخدي قانيم گؤز ياشلاريم آخمادي
بـابكم من آذربـايجــان اوغلويـام

سينمــده بير يـانـار اود وار سـؤنـولمـه ز
شرف يولو گئده ن يـولچو دؤنولمه ز
محببتيم ائللــريمــــــــدن اوزولمـــــه ز
بـاشـي اوجـــا آذربـايجـــان اوغلويـام

قودرتيمي اؤز ائليمدن آلميشــام
چـراغ اولـوب قــارانليقــدا يــانميشــام
ظفـر مـــارشــي وطنيمــده چالميشـام
بـابكم من آذربـايجـــان اوغلويـام

ايـران بــدن آذربـايجــان جــانيمديـــر
تـوركو ديلــي دامــارلاردا قــانيمديــر
بورا منه وطنيمــديــر شانيمــديـــر
بـابكم من آذربـايجــان اوغلويـام

ساغ اولین.شاد یاشایین

تانری امانندا

دوستلار سلام...

1غزل   BİRİMİNCİ ĞƏZƏL
توتولموش کونلومی جامیله شادان ایله مک اولماز                  tutulmuş könlümi camilə şadan eyləmə
الینن پسته نین آغزینی خندان ایله مک اولماز            əlinən püstənin ağzıni xəndan eyləmək olmaz                                                   
 
نه سوزدوربو کی اولسون دهرده صاحبنظر زاهد         nə sözdür ki olsun dəhridə sahebnəzər zahed                            
قارا توپراقی هرگز آب حیوان ایله مک اولماز            qara topraqi hərgez ab heyzan eyləmək olmaz
 
بولود قیلان کیمی جولان وورارداایلدیریم تیغی                    bulud qılan kimi colan vurarda ıldırım tiği                       
کونول پرده لرینده عشقی پنهان ایله مک اولماز      könül pərdələrində eşqi penhan eyləmək olmaz    
 
قیلینج گر ایچسه عالم قانینی سیرابلیق بیلمز                qılınc gər içsə aləm qanıni   sirablıq bilməz 
سنی عشاق قتلیندن پشیمان ایله مک اولماز           səni oşşaq qətlindən pəşiman eyləmək olmaz
 
منیم گوز یاشیمی چیخ گل فلکلر دن تماشا ائت    mənim göz yaşımi  çıx gəl fələklərdən təmaşa et
حبابی قصر ایچینده سیر طوفان ایله مک اولماز          hobabi qəsr içində seyr tofan eyləmək olmaz 
 
من مجنونی عاقیل ایله مک ممکن دئیر ناصح       məne məcnuni aqil eyləmək mümkün dəyir naseh 
سئوزیله مشکنابی بیل کی بیر قان ایله مک اولماز     sözilə müşke nabi bil ki bir qan eyləmək olmaz
 
ختادن گئچدی جیران قانینی مشک ایله دی"صائب   xətadən geçdi ceyran qanıni müşk eylədi saeb
دئمه عصیانی طاعت کفری ایمان ایله مک اولماز          demə osyani taət küfri iman eyləmək olmaz 
 
2غزل  İKİMİNCİ ĞƏZƏL   
خط غباری عارضین.آیات قران ایله میش                             xət ğubari arezin.ayate qoran eyləmiş 
حسن صاحب شوکتین موری سلیمان ایله میش           hüsnı saheb şokətin muri süleyman eyləmiş
 
نقطه ی سحو ایلییوبدور گوزلرون جیران گوزون       noqteye səhv eyliyibdur gözlərün ceyran gözün 
قاشلارین بایرام هلالین طاق نسیان ایله میش          qaşların bayram helalın  taqe neysan eyləmiş
 
آزدیروبدورگول اوزون بلبللری گلزاردن                               azdırıbdır gül üzün bülbüllərin gülzardən 
سونبولی ریحان خطون توپراقلا یکسان ایله میش       sünbüli reyhan xətin topraqla yeksan eyləmiş
 
کعبه نی بتخانه ایلوبدور فرنگی کوزلرون                      kəəbəni botxanə eylübdür fərəngi güzlərün        
یئر اوزون زنار زولفون کافرستان ایله میش                   yer üzün zonnare zülfün kafəristan eyləmiş
 
باشینی خط شعاعیلن دوتوبدور آفتاب                                    başıni xətte şuailən dutubdur aftab
تامنیم چابک سواریم عزم میدان ایله میش            ta mənim çabuk səvarım əzme meydan eyləmiş
 
لعل میگونون کی ایچیبدوربدخشان قانینی                     ləəle meyqunun ki içibdur bədəxşan ganıni
غنچه نی بلبل گوزینده قانلی پیکان ایله میش            ğunçəni bülbül gözündə qanli peykan eyləmiş
 
التفات لعل جانبخشون قاراگونلی لری                                 eltefate ləəle canbəxşün qaragünliləri
خلق ایچینده پرده دار آب حیوان ایله میش                      xəlq içində pərdədar abe heyvan eyləmiş
 
دردعشقین چهره ی زرینی لن بو عالمی                          dərde eşqin  çehreye zəriniilən bu aləmi
صفحه ی خورشید تابان تک زرافشان ایله میش          səfheye xorşide taban tək zərəfşan eyləmiş
 
موجه ی در یای احسانین دوتوبدور یئر اوزون               mooce dəryaye ehsanın dutubdur yer üzün
شوق وصلون بو جهانی شهر یونان ایله میش              şoqe vəslün bu cəhani şəhre yunan eyləmiş
 
نه عجب گر (صائب)یلن خطینی قیلدین رقم                      nə əcəb gər saebilən xətini qıldın rəqəm
خط خالین بئیله چوخ کافیر مسلمان ایله میش               xəte xalin belə çox kafir müsəlman eyləmiş
 
3غزل ÜÇÜMÜNCİ ĞƏZƏL
نه احتیاج کی ساقی وئره شراب سنه                                    nə ehtiyac ki sagi verə şərab sənə
کی اوز پیاله سینی وئردی آفتاب سنه                                          ki öz piyaləsini verdi aftab sənə
 
شراب لعل اوچون توکمه آبرو زنهار                                        şərab ləəl üçün tökmə aberu zenhar
کی دم به دم لب لعلون وئریر شراب سنه                     ki dəm be dəm ləbe ləlün verir şərab sənə
 
اگر وورام یئره پیمانه نی گئچر ساقی                              əgər vuram yerə peymanəni geçər sagi
شرابدن نئجه! گوزتیکسه هر حباب سنه                       şərabdan necə?göz tiksə hər hobab sənə
 
قوروتما ترلی عذارون ایچینده باده ی ناب                                  gurutma tərli uzzarın badeye nab
کی گول کیمی یاراشیر چهره ی پرآب سنه                        ki gül kimi yaraşır çehreye por ab sənə
 
بو آتشین یوزویلن کیم دوتار سنون اتگین            bu atəşin yüzü bölən kim kim dutar sənün ətəgin
حلال ائدر قانینی تا یئتر کباب سنه                                    həlal edər qanıni ta yetər kəbab sənə
 
شرابدن نه عجب اولماسا اگر سرخوش                             şərabdan nə əcəb olmasa əgər sərxoş
بو دوزلی لبلریلن نیله سین شراب سنه                              bu duzli ləblərün neyləsin şərab sənə
 
دئدیم چیخارداسنی خط حجابدن غافل                         dedim çıxarda səni xətte hecabdən ğafel
کی او غبار اولار پرده ی حجاب سنه                                     ki o ğobar olar pərdeye hecab cənə
 
سنون صحیفه ی حسنون کلام (صائب)دیر                      sənün səhifeye hüsnün  kəlame saeb dir
کی داغ عیب اولار خال انتخاب سنه                                          ki dağe eyb olar xale entexab sənə
منبع

تاری امانندا

دوستلار سلام...
اوتایدا یاریم قالیب
دیندیرمه یین قان آغلییار گؤزلریم
گوجدن دوشوب طاقت سیزدیر دیزلریم
قولاغیندان هله گئتمیر سؤزلرین
اوتایدا یاریم قالیب ، یازیم باهاریم قالیب

اؤلدورور بو درد منی ، بیر گول جوالیم قالیب
عاشیق اولموشدوم او گول جمالینا
گؤره سن اودا سالیرمی یادینا
سون نفسده دئیین چاتسین دادیما
اوتایدا یاریم قالیب ، یازیم باهاریم قالیب
اؤلدورور بودرد منی ، بیر گول جمالیم قالیب
آی « زلفیه » سورما منینم حالیمی
فلک قیردی داماریمی قولومو
قدر که سدی یارا گئدن یولومو
اوتایدا یاریم قالیب ، یازیم باهاریم قالیب
اؤلدورور بو درد منی ، بیر گول جمالیم قالیب
تاری امانندا

دوستلار سلام.
ای نازنین سنین کیمی
شوخ گؤزلدن دویماق اولماز
آغزین شکر ، لبین بالدی
لبین کیمی قایماق اولماز

نئچه ماحالدا وار آدین
ده ییشدین آغزیمین دادین
دوروب یانیندا جلادین
دیزینه باش قویماق اولماز
مینا گردن ، بویوبسته
بیر سایه سال باشیم اوسته
یازیق « قاسیم » دوشدو خسته
دردی غمین سایماق اولماز

آپارین منی دورنالار/مدینه خانم گلگون 
آپارین منی دورنالار
اوچون ، اوچون دسته دسته
قولاق آسین سیز بو دوستا
الین قانادیزین اوسته
آپارین منی دورنالار
دؤزومومو ایللر آلیب
باغلاریم خزل له دولوب
نه زاماندیر سینه م اولوب
حسرت وطنی دورنالار
آمان اوردا نیگاراندیر
دئمه یین کی ، یول دوماندیر
سایا سالمایین آماندیر
دومانی چنی دورنالار
چینارلاریم اییلمه ییب
خیرمنیم وار دؤیولمه ییب
آپارین سیز وطن دئییب
دیل دیل اؤتنی دورنالار
آپارین منی دورنالار
تاری امانندا

دوستلار سلام

سؤنمه ز قلبيمده كي غضب، انتقام
اگيلمه ك بيلمه ين قيزيل بايراغام
تك بيلمه اؤزيني نه قدر ساغام
توكمه گوزلرينده قان- ياش، اگيلمه!

بو ائله قهرمان اوغوللار گره ك
قوي وطن عشقيله دؤيونسون اوره ك
آتيل جبهه لره گوجيني گوره ك
ايگيدلر اگيلمه ز، قارداش، اگيلمه!

دردين سئوينجيندن مين دفعه آرتيق
سني ازه جكلر گورونسه ن يازيق
آچ بير گؤزلريني، گون دوغور آرتيق
اؤلما بو حياتدا چاش- پاش، اگيلمه!

كئچير گئجه ن قارا، گوندوزون قارا
اؤزينه دوست آرا، درد بيله ن آرا
دوشمنلر وورسالار قلبينه يارا
منيم يانيما گل بير باش، اگيلمه!

سينه م دردلرينه دولو بير دفتر
ائتميشه م آديني ديليمده ازبر
چونكي اوره گيمدن وئريرسن خبر
منم، من كؤنلونه سيرداش، اگيلمه!
تاری امانندا

دوستلار سلام.
هئچ نه قالماياجاق، بيليرم، هئچ نه
نه شوهرت چلنگي، نه شوهرت تاجي
ويداع دئيه جه يم وطن مولکونه
گوزلري يومولو اللري آچيق

نه اکدي، نه دردي شاعير اللريم؟
گوزلريم يومولو گئتمه ييم حاقدي
بلکه، گوردويومه، شاهيد اللريم
اويوب گوزلريمي اوياداجاقدي

سحرله گوز آچديم، آخشاملا باتديم
شاخ دوردوم قهرمان هيکلي کيمي
دونيايا گوزلري يومولو باخديم
دونياني گورمه ديم گورمه لي کيمي

هئچ نه قالماياجاق، بيليرم بونو
ايتسه نه فرقي وار، قالسا نه فرقي
بير عومرون نه دمده پوچ اولدوغونو
آنلايان اولمادي… اولسا، نه فرقي؟

هر “منيم” دئديييم منيم مي؟- چتين!
يوز آرا، مين آختار… پيسي منيمدير
دونيا اوجاغيندا پيشن نعمتين
توستوسو منيمدير، هيسي منيمدير

آخماقلار ائله جه آخماق قالاجاق
اونلاردا باعيثي گوز يومماغيمين
منه دويونونو آچماق قالاجاق
يالان يوماغينين، دوز يوماغينين

من آليب ساتماديم صاباحلاريمي
نه ييمسه، سن مني اوندادا آرا
گيزلديب گوزومده گوناهلاريمي
گوز يومان اولماديم گوز يومانلارا

بير اوره ک- وطنيم، بير اوره ک- اولکه م
نه پيسليک تانيدي، نه کين، نه آجيق
نئجه ياشاديمسا، ائله ده اوللم
گوزلري يومولو اللري آچيق…
تاری امانندا

دوستلار سلام.
کپنکلر گولدن گوله قونورلار
باهار گلیر پنجره نی باغلاما
بنوشه لر کردیمیزه دولورلار
بولاغ آخیر سن گؤزه لیم آغلاما
یئنه قالدی اوز قارالیق کؤموره
ظالیم شاختا ساراییندا گول بیتیر
ایلیق یئللر اسیر سزاق یئرینده
یاز چمنده آچیب چیچکدن چتیر

گول دردیمیز بوزا دؤنوب اریسین
خزان وورموش آرزی باغی گول آچسین
یاز گتیرسین یئنیلیگین نغمه سین
کؤنوللرده اومود دالی زوغ آتسین

گول اوچوشسون دوداق دوداق دردیمیز
سئوگی سئلی سارسین عومور یوللارین
کؤلگه لرده سارالماسین گولوموز
اسیر تورپاق دادین آلسین باهارین
تاری امانندا

 

دوستلار بایرامییز مبارک

کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
سندن اوزاق دوشسم ده من عشقین ایله یاشاییرام،
یارالانمیش قلبیم کيمى، قلبی ویران آذربایجان.
بوتون دونیا بیلیر سنین قودرتینله، دؤولتینله
آباد اولوب، آزاد اولوب مولکی ایران، آذربایجان.
بیسوتونی اینقیلابدا، شیرین- وطن اوچون فرهاد
کولونگ وورموش اؤز باشینا، زامان- زامان، آذربایجان.
وطن عشقی مکتبینده جان وئرمگی اؤیرنمیشیک،
اوستادیمیز دئییب هئچدیر وطنسیز جان، آذربایجان.
قورتارماق چون ظالیملرین الیندن رئی شومشادینی،
اؤز شومشادین باشدان- باشا اولوب آل قان، آذربایجان.
یارب، ندیر بیر بو قدر اورکلری قان ائتمگین،
قولوباغلی قالاجاقدیر نه واختاجان آذربایجان؟
ایگیدلرین ایران اوچون شهید اولوب، عوضینه
درد آلمیسان، غم آلمیسان سن ایراندان، آذربایجان.
اؤولادلارین نه واختا دک ترکی- وطن اولاجاقدیر؟
ال- اله وئر، عوصیان ائله، اویان، اویان، آذربایجان.
بسدی فراق اودلاریندان کول الندی باشیمیزا،
دور آیاغا، یا آزاد اول، یا تامام یان، آذربایجان. 
شهریارین اورگیده سنینکی تک یارالیدیر،
آزادلیقدیر منه ملحم، سنه درمان، آذربایجان.   
تاری امانندا

دوستلار سلام.

کؤنولوم قوشو قاناد چالماز سنسیز بیرآن، آذربایجان،
خوش گونلرین گئتمیر مودام خیالیمدان، آذربایجان.
سندن اوزاق دوشسم ده من عشقین ایله یاشاییرام،
یارالانمیش قلبیم کيمى، قلبی ویران آذربایجان.
بوتون دونیا بیلیر سنین قودرتینله، دؤولتینله
آباد اولوب، آزاد اولوب مولکی ایران، آذربایجان.
بیسوتونی اینقیلابدا، شیرین- وطن اوچون فرهاد
کولونگ وورموش اؤز باشینا، زامان- زامان، آذربایجان.
وطن عشقی مکتبینده جان وئرمگی اؤیرنمیشیک،
اوستادیمیز دئییب هئچدیر وطنسیز جان، آذربایجان.
قورتارماق چون ظالیملرین الیندن رئی شومشادینی،
اؤز شومشادین باشدان- باشا اولوب آل قان، آذربایجان.
یارب، ندیر بیر بو قدر اورکلری قان ائتمگین،
قولوباغلی قالاجاقدیر نه واختاجان آذربایجان؟
ایگیدلرین ایران اوچون شهید اولوب، عوضینه
درد آلمیسان، غم آلمیسان سن ایراندان، آذربایجان.
اؤولادلارین نه واختا دک ترکی- وطن اولاجاقدیر؟
ال- اله وئر، عوصیان ائله، اویان، اویان، آذربایجان.
بسدی فراق اودلاریندان کول الندی باشیمیزا،
دور آیاغا، یا آزاد اول، یا تامام یان، آذربایجان. 
شهریارین اورگیده سنینکی تک یارالیدیر،
آزادلیقدیر منه ملحم، سنه درمان، آذربایجان.   
یا حق

دوستلار سلام.نیه نظر ورمیسیز؟
گویده کی نازلی آیا من مه تابان دئمرم
هر گزن دورت ایاغا بیر داها جیران دئمرم
تا یاغیش کلمه سی وار من اونا ابر دئمم
بولودو من بوراخیب هئچ واخت اونا ابر دئمم
غمده ن اوتورو چالینان سازلارا بی صبر دئمم
سودئدیم کی دئدیلر سن سو دئمه آب دئنن
یاخشینی بوشلا داها خوب دئنن ناب دئنن
کووف گئدر سن داها کووف یوخ سن اونا تاب دئنن
یئددی یاشدا دئدیلر سن آنایا مادر ده
قاپونو چالسا بیری سن قاپویوخ دای در ده
اوزون ایللرده یادیمدا کی آتام بویله دئدی
عاشیقا ماهنی اوخو چال سازینی سویله دئدی
چاره سیز قالما اوغول یامان گونده نه ایله دئدی
اوزگه لر یاورینه بیر داها من جان دئمرم
هر گوزل او لکییده آذربایجان دئمرم
بو آنا یوردوموزوندور کی شرفلی آدی وار
هم بوتوپراقدا شرفلر هم ایگیدلر سانی وار
خوره یینده تامی وار هم چوره گینده دادی وار
آی شرفلی ائلیمیز دونیا بیلیر وار دیلیمیز
نییه کی "سو"دئمه سینآب ذئسین گنچ ائلمیز
تاری امانندا

دوستلار سلام.

تورکی دیلی تک سوگلی احساسلی دیل اولماز                      ئـــوزگه دیله قاتسان بو اصیل دیل اصیل اولماز
ئوز شـــــعرینی فارســـا عربه قاتماســـا شـــاعر                        شـــعری اشـــیدنـــــلر اخویا نلار کسّّّّّّیل اولماز
شــاعر اولا بیلمزســن آنـــان دوغماســـا شاعـــر                       مس سن آبالام هر ساری کوینک قیزیل اولماز
انــسان اودی دوتــسون بـــــو ذلیل خلقین الیندن                       آللاهی سئورسن بئله انـــسان ذلــیل اولـــماز
مــــلت غمی اولسا بو جوجوخلار چـــوپه دونـــمز                       اربـــابـــــلاریمیزدان دا قـــــارینلار طبیل اولـــماز
آذر قـــوشـــونی قـــیصر رومـــی اســـــیر ائتمیش                       کــــسری ســـوزودی بـــــیر تاریخ ناغیل اولماز
بو شهریارین طبعی کیمی چیممه لــــی چشمه                       کــــوثر اولا بیلسه دئمیرم ســــلسبیل اولــــماز
تاری امانندا

سلام دوستلار
                                     شهریار
 
حيدربابا ،‌ سنون اوزون آغ اولسون !      heydər baba sənün üzün ağ olsun    
دؤرت بير يانون بولاغ اولسون باغ اولسون !  dört bir yanın bulağ olsun  bağ olsun
بيزدن سورا سنون باشون ساغ اولسون !   bizdən sora sənün başın sağ olsun
دونيا قضو- قدر ، اؤلوم - ايتيمدى   dünya qəzoğədər ölüm itimdi
دونيا بويى اوغولسوزدى ، يئتيمدى    dünya boyi oğulsuzdi yetimdi
 
حيدربابا ، دونيا يالان دونيادى   heydəarbaba dünya  yalan dünyadi
سليماننان ، نوحدان قالان دونيادى  süleymanan nuhdan qalan dünyadi
اوغول دوغان ، درده سالان دونيادى  oğul doğan dərdə salan dünyadi
هر کيمسَيه هر نه وئريب ، آليبدى  hər kimsəyə hər nə verib alıbdi
افلاطوننان بير قورى آد قاليبدى  aflatunan bir quri ad qalıbdi

حيدربابا ، يار و يولداش دؤندولر  heydərbaba yar o yoldaş döndülər
بير-بير منى چؤلده قويوب ، چؤندولر  bir bir məni çöldə goyub çöndülər
چشمه لريم ، چيراخلاريم ، سؤندولر  çeşmələrim çiraxlarım söndülər
يامان يئرده گؤن دؤندى ، آخشام اولدى  yaman yerdə gün döndi axşam oldi
دونيا منه خرابه شام اولدى   dünya mənə xərabeye şam oldi
 
حيدربابا ، قارلى داغلار آشاندا  heydərbaba qarlı dağlar aşanda
گئجه کروان يولون آزيب ، چاشاندا  gecə kərvan yolun azıb çaşanda
من هارداسام ، تهراندا يا کاشاندا  mən hardasam tehranda ya kaşanda
اوزاقلاردان گؤزوم سئچر اونلارى  uzaqlardan gözüm seçər onları
خيال گليب ، آشيب ، گئچر اونلارى  xiyal gəlib aşıb geçər onları
 
حيدربابا گؤيلر بوتون دوماندى  heydərbaba göylər bütün dumandi
گونلريميز بير- بيريندن ياماندى  günlərimiz bir birindən yamandi
بير- بيروزدن آيريلمايون ، آماندى  bir birüzdən ayrılmayın amandi
ياخشيليغى اليميزدن آليبلار  yaxşilıği əlimizdən alıblar
ياخشى بيزى يامان گونه ساليبلار  yaxşi bizi yaman günə salıblar
 
حيدربابا ، غيرت قانون قاينارکن  heydərbaba ğeyrət qanın qaynarkən
قره قوشلار سنن قوپوپ ، قالخارکن  qərə quşlar sənən qopub qalxarkən
او سيلديريم داشلارينان اوینارکن  o sıldırım daşlarınan oynarkən
قوزان ، منيم همتيمى اوردا گؤر  qozan mənim himmətimi orda gör
اوردان اَييل ، قامتيمى داردا گؤر  ordan ayıl qamətimi darda gör
 
حيدربابا ، سنون گؤيلون شاد اولسون   heydərbaba sənün göylün şad olsun
دونيا وارکن ، آغزون دولى داد اولسون  dünya varkən ağzın doli dad olsun
سنن گئچن تانيش اولسون ، ياد اولسون  sənən geçən tanış olsun yad olsun
دينه منيم شاعر اوغلوم شهريار  deynə mənim şaiir oğlum şəhriyar
بير عمر دور غم اوستونه غم قالار bir ömrüdür ğəm üstünə  ğəm qalar

تاری امانندا