Azeri Blog

سلام دوستلار.

آزاندا گئت شيطان ائوينه
اؤزونه حرمت قويمايان ، اؤزگَيه ده حرمت قويماز
) ائله ائيله کي ، بيرده بازارا شور ساتان گلسين ( دئييم
ارکوزو اولانا يول گؤسترن چوخ اولار
ايتيب، آختاراني يوخدور
بکمز ساتانا دا لعنت، بکمز آلانادا
پول وئرسن ماللا منبردهن دوشر
تنبل داغدا قار گؤردو ، يورغانينا بوروندو
داش قيزلار باغرينا ، گئجه لر يالقيز ياتار
زندانا صبر ائيليَن ، آخيردا تاختا چيخار
سؤزون ايله ايشين بير اولسون
شمع شام  باشيندان يانار
قارپيز دويولماق اوچون دئييل ، سرينليک اوچوندور
قورد قوجالاندا توپلانا مسخره اولار
کئچي نين قوتورو سرچشمه دن سو ايچر
مرد کيشي چؤرَگيني داشدان چيخاردار
ناشي اوغرو اؤزونو سامانليغا وورار
وئريب يامان اولونجا ، وئرمَييب يامان اول
يئيرسن قسمتيندير، يئمزسن  اؤزون بيلرسن
تانری آمانیندا

 

سلام دوستلار..

آوازين ياخشی گلير ، اوخودوغون"قرآن اولسا"
تک داشدان دووار اولماز
کيمينين ايلکی ، کينين سونو
دعواچی قاضی ايسه ، عرضه نی آللاها ياز
اؤردک اتين قاز اتين ، يئيَن بيلر لإّتين
پيشيک آرخاسينی يئره وورماز
ميخانادا يازلان مکتوب جهنّمده اوخونار
وارينی وئرَنين کيسه سی بوش قالار
اؤز قدرينی بيلمَيَنين قدرينی اؤزگه سی ده بيلمز
منّت ايله بهشته گئتمکدنسه ، منّتسيز جهنّمه گئتمک ياخشيدير
دَهنه نی درين قاز، سويو گور گلسين
سوفی سوغان يئمز ، تاچسا قابيغينی دا قويماز
اؤز قورو چؤرَييم ، اؤزگه نين پيلوووندان چيلوو ياخشيدير
کيمسه نين تيکه سی کيمسه نين قارنيندا قالماز
اؤز گؤزونده تيری گؤرمور، اؤزگه گؤزونده قيل سئچير
يئتيمه اؤيود وئرن چوخ اولار، چؤرک وئرن آز
اؤزونه باخما سؤزونه باخ
زيان آغودان آجيدير
قيزيشيماديق ايستی سينه ، کور اولدوق توستوسونه
اؤلوسو اولان بير گون آغلار ، دليسی اولان هر گون آغلار
ميلچک ميردار اولماز گؤيول بولانديار
اويناشا اومود اولان اَرسيز قالار ، قونشويا اومود اولان شامسی
زور قويونو پوزور

تانری امانیندا

آنا رشوه سیز دوست دور  . مادر دوستی بدون منت است .
آناسینا باخ قیزینی آل . لیاقت مادر را ببین بعد دخترش را انتخاب کن .
آنالار گزه ن آغاجین ، بالاسی بوداقین گزه ر .  دختر اعمال و رفتار مادر را موبه مو اجرا می کند .
آنامینان ساواشدیم ، بیر آخماق واریدی ایناندی .  دلخوری مادر و فرزند نمی تواند جدی باشد .
آنام منه کور دئییب ، گلیب گئده نی وور دئییب . از یک دندگی و مردم آزاری است .
آنام سنه آند ایچیب . مادرم بطور یقین تو را تنبیه خواهد کرد .
آناسینین امجه یین که سن لرده ندی . کسی است که به مادرش نیز رحم نمی کند .
آناسینین بالاسیدیر . تربیت یافته مادرش است .
ایت اولاسان ، آنا اولمویاسان . مشکل بودن نقش مادر است
آروادین عصمتی ، ارین عزتی  پاکدامنی زن موجب سربلندی مرد است .
آرواد وار ائو تیکه ر ، آرواد وار ائو ییخار  زنی خانه را آباد می کند و زنی خانه را ویران می کند .
آروادین قوهومو شیرین اولار  فامیل زن برای مرد شیرین است .
آرواد نه بیلیر داغدا بوراندیر ، ائوده اوتوروب حکمو رواندیر  زن نمی داند که در کوه طوفان است ، در خانه نشسته و امر می کند . منظور زن مشکل نان در آوردن را نمی داند . ( این ضرب المثل مربوط به زمانی است که زن خانه نشین بوده )
آروادسیز ائو ، سوسوز ده ییرماندیر خانه بدون زن ، مانند آسیاب بدون آب است .
آروادنان کیشینین تورپاغینی بیر یئردن گؤتوروبلر  خاک زن و شوهر را از یک نوع سرشته اند .
آروادین بیری اعلا ، ایکی سی بلا  داشتن یک همسر بسیار خوبست و داشتن دو همسر بلاست .
آروادین گؤزل آل ، ایشله یه ن چیخدی بخته ور سن  زن زیبا انتخاب کن ، اگر زرنگ و پرکار باشد خوشبختی .
آرواد قیرمیزی بؤرک دئییل ، باشدان باشا قویولا زن کلاه قرمز نیست که از سری برداشته بر سری دیگر گذاشته شود . ( منظور نکوهش طلاق است . )
آرواد ائوین بلاسی دیر ، الله هئچ ائوی بلاسیز ائله مه سین زن بلای خانه است ، خدا هیچ خانه ای را بی بلا نکند

سلام لار..

(آريق اؤکوزه بيچاق اولماز( آريق اؤکوز کسيلمز
بد اصيلی باشا چکرسن ، سوروشر آياغا دوشر
پيادا گلندن آت آلماغی اؤيرنمه
تک الدن سس چيخماز
داش  دَيَنه بلليدير ، يول گئدنه
(چيراق اؤز ديبينه( دوره سينه) ايشيق وئرمز(سالماز
داش اوسته اکين اولماز
زور گلسه فند باجادان قاچار
سؤزون آجيسی زهردن ده بَتردير
شايعه هر يانی گزر
قارا ساچلينين آهی يئرده قالماز
قيمتدن دوشمک ايستميرسنسه ، هئچ کسين قيمتدن دوشمَسينه چاليشما
کئچی نين باشی گيجيشنده بوينوزون چوبانين چوماغينا سورتر
مرد ايگيد تک قالماقدان قورخماز
نامرده ياخا وئرمه ، مرده آرخا اول
واخت انسانا هر شئی اؤيرَدَر
يئددی آرخا بير قاريش ، بير آيدا يئددی قاريش ؟!

ساغ اولون

دوستلار سلام...

اؤزوندن قوّتلی ايله آياق چکمه
ايگيد جانلی ، کباب قانلی
بد اصيلدن اصيل اولماز، قاچان قيزدان  خانيم!
پيشيک آتاسينين خيرينه سيچان توتماز
تجارت دوستلوق کؤرپوسودور
چوخ يوماقلا قارا پالاز آغارماز
چولاق آت سيّده نذيرئير
زرله گؤزلليک آلماق اولماز
زورناچی اوغلو زورناچی اولار
سئرچه دن قورخان داری اکمز
شيطانين دوستلوغو ، دار گونلره قَدَردير
قارا قوشا خير اؤز ديمديگيندن چاتار
قيزيل اينک قارا قاباق گلينه سود وئرمز
کئچن واختا ال يئتيشمز
کؤهلن آت يئرينده توز قوپار
محّبت گؤزده اولماز ، کؤنولده اولار
نيّت هارا  منزيل اورا
وئرديگين ال ايله آل!
يئمگين اوستاسی ، ايشلمَگين خسته سی
ياغيشدان چيخديق ، ياغمورا دوشدوک

تاری امانندا

 

دوستلار سلام...

اؤز اؤزونه ائيلَيَنه چاره يوخدور

بد اصيلدن اصيل اولماز، بوينونمجا قيزيل قالا

پيرينی تانيمايانين عاقبتی پيس اولار

تک آغاجدان باغ اولماز

داش  دويوارين قولاغی وار

داش اولسايدی سيخارديم ، تورپاغيديم دايانديم

زمان ايله حسابلاشماق گرک

سؤزون دوزونو اوشاقدان خبر آل

صاحيب سيز قويونو قورد يئير

شيطانين آجيغی ياخشی آدامدان گلرشيطانلا اورتاق اولان بوغدا اَکر  سامان بيچر

ضررين ياريسيندان قاييتماق قازانجدير

صنعت انسانين خزينه سيدير

قارا دولاغا قيرميزی پاپيش تيکمزلر

کار کؤنلونده ينی آنلار

گؤرن گونو وار

مردين سوفره سی آچيق اولار

نور گؤزده اولار

وارلينين کؤنلو اولونجايا قدَرکاسيبين جانی چيخار

هر نه اَکسن ، اونودا بيچرسن

يئددی آرخين سويونوبير آرخا جالامازلار

 تاری امانندا

 

دوستلار سلام...

آليجی نين گؤزو ساتيجی دا اولار
اؤلونون وصيّتی اؤزو ايله گئدر
ايلانی سيد احمد الی ايله توتارلار
بلدچييه يول گؤسترمزلر
تانری قورويانی قورد يئمز
پيشيک بالاسی اؤزونو آناسينين دؤشونده گيزلَدر
چاخيری ايچ شير بؤيرو ييرتماغا ، ايچمه قارغالار گؤزونو دَلسين
داش  داشا سؤيکَنر  ديوار اولار
زمانی قايتارماق اولماز
سؤزو مقاميتدا دئه
شکايت عاجيزليک علامتی دير
قارغادان گؤزل قوش ايستَديلر ، بالاسينی گؤستردی
کارئشيتديگينی ، کور توتدوغونو بوراخماز
گؤزلليک باشا بلادير
من مسجيده گلمرم، سن ميخانايا  هاردا گؤروشَک؟!
وارلی اولوب غم  غصّه ايله ياشاماقدانسا ، کاسيب اولوب شاد  خرّم ياشاماق ياخشيدير
ناماز مئيلی اولانين قولاغی آزاندا اولار
يئييلميش يئييلير، قوناغيم کوسولوگئدير!

تاری امانندا

دوستلار سلام.

آزانچی چکر سويوغو ، موللا يئير تويوغو
بيری ياغيش اولدو ، سن تورپاق اول
پول پولو قازانار پول پولو گتيرر
تک ال ايله دويون دويونلَنمز
چاردا آلتيندا هر آرواد گؤزلدير
دادماقلا مال توکنمز
زورنانين سسی اوزاقدان خوش گلر
سؤزو آغزيندا بيشير، سونرادئه
قارقا وکيلی اولان قوشون ديمديگيس
صاحيب سيز مال يئتيمدير
شاذعير گؤردويون يازار
کؤپگين قارنی توخ اولسا، گئجه اولدوزا هورر
گدادان بای اولماز
مئيوه لی آغاجا قوش قونار
لوتولوغو اوّله سالانين ، سونراسی يولچو اولار
نه وارلييا بورجلو اول، نه يوخسولدان آلاجاقلی
وئرن آشی ايچيلر ، قابينا دا سيچارلار
يئمکله دويمادين ، يالاماقلا دوياجاقسان

تاری امانندا

دوستلار سلام.

آغاج توتان باش ياراندان چوخدور
بد ائولاد خطايا اورجاح اولار
انری ائششگی تانييب ، بوينوز وئرمَييب
پيشيگين گؤزو سيچان دئشيگينده اولار
تک گزن دانانی قورد يئير
دازين ايستَديگی قارا ساچ اولار
سؤز يئرينده دئيسن گرک
زيرک قوش ديمديگيندن تليَه دوشر
قار سويوندان قايماق اولماز
قورد بالاسی قورد ولار ائششک بالاسی  قودوق
کئچل چاره بيلسه ، اؤز باشينا ائيلر
لوتو گؤتو ياش گؤترمز
موللانی مسجيد ده ، سرخوشو ميخانادا تاپارسان
نه شاشقين اول باسيل ، نه داشقين اول آسيل
وزيری قارغ اولانين آغزی زيبيلليکده اولار
هره نين اؤز روزوسو وار
يئر ييه سيز اولاندا ، دونوز تپَيه چيخار

تاری امانندا

دوستلار سلام.

آدامين آغزی آشا چاتاندا ، باشی داشا دَيَر
بير کسين نصيبين او بيری کس يئمز
تاووس قوشونو توکونه گؤره کَسرلر
پيشيگين دردی ايتی اؤلدورر
چاخيری لالا وئرسن لال ديل آچار
دئييلن سؤز ياديگاردير
زورلا سورويه گئدن کؤپک فايدا وئرمز
سؤز وار خسته نی ساغالدار، سؤز وار آدامی يارلار
شيطان اولماسا ، قورد قويونلا گزر
قارنی توخون قايغيسی اولماز
کئچل حالوا يئير ، پولونا منّت
محبّت اورَکدن سيلينمز
وارلينين خوروزودا يومورتلايار
يئمگسن دادی دوزدادير، دونيانين دادی گؤزده

تاری امانندا

دوستلار سلام

آز يئه هميشه يئه
بالا قوشون آغزی بؤيوک اولار
پای بؤلَنه پای قالماز
تازينی خالتاسی ايله تانييارلار
چاخيری کئچينين بوغازينا تؤکسن واريب داغلاری آشار
خينالی اَل جيبه قويولماز
دئييلميش سؤزدن دئييلمَميش ياخشيدير
زمانا اويوشماق گرک
سؤز صانديغا گيرمز
شريکلی قازان گئجه قاينار
قارا خبر تئز دويولور
کئچل باخار گوزگويه  آدين قويار اؤزگَيه
لوتو لوتو سؤزونه اينانار
مال ييغينجا عاغيل ييغ
نوبه يئتيمه چاتاندا قاشيغين دسته سی سينار
واردير پولون هامی قولون ، يوخدور پولون  آچيقدير يولون
هاردا گؤردون درويش ، اوردا اولار نيکبت ايش
يئتنه يئتير يئتمَيَنه داش آتير

تاری امانندا

دوستلار سلام.بایرامییز مبارک اولسون.

آخيری فنا اولاجاق ايشی هئچ باشلاما
باش ياراندان چوخ قمه توتان وار
پاران اوجوز ايسه ، اؤزون باهالی اول
تازينين توپال اولدوغو دووشانين قولاغينا يئتيشيبچ
چاخير پاخير آچاندير
خينا گئجه سی هامی خينا بويانار
دئييلَجک سؤزو فيکيرلش، سونرا دئه
زحمت چکن بال يئير
سؤز چوخ اولان يئرده يالان دا چوخ اولار
شاه وزير عالی ايله اوتوروب دورار
صبر آجيدير ، مئيوه سی شيرين
ظاليمين عمری u1570 آز اولار
قارا باخانين گؤزو قاماشار
کؤپکسير سورويه قورد دادانار
گدادان بورج آلما ، يا تويدا ايستر ، يا بايرامدا
لوغما قارين دويورماز ، حرمت آرتيرار
محبّت له دوغرولوق مغلوب ائديلمز
نوروزدان سونرا قيرخ گون کؤتوک يانار
وارلی کيسه سينی دؤير، کاسيب ديزينی
هر نه ايله اؤلچورسن ، اونلادا اؤلچولورسن
يئددی سينده نه ايديسه ، يئتميشينده ده اودور

تاری امانندا

دوستلار سلام

آخيرده گلن قاپينی اؤرتر
بازاردا بئز اوجوز اولاندا آدام اؤزونو اؤلدورمز
پاپاقچينين کؤنلو اولسا ، بير دَريدن دوققوز پاپاق تيکر
تئز قاچان ،تئز يورولار
جرگه دن قالان قوتور اولار
چؤمچه قازانين ديبينه دَيير
حاييف قيمته قالماز
خيمير خيمير ، هميشه خيمير
داتدلی سؤز دينلَنَر، دادسيز سؤز اَسنَدَر
ذرّه جه عشقی اولان دونياجا تابی گرک
زحمت چکمَين راحاتليغين قدرينی بيلمز
سؤز قيلينجدان کسگيندير
شاهين دا دوه لری آياق يالين گزر
صبر آغاجی هر باغدا گؤيرمز
قار سوسوزلوغو سوندورمز ، قووورقا قاارين دويورماز
کؤپک ائله کؤپکدير، خالتاسی قيزيلدان اولسادا
لياقت عاغيلدادير، اصل  نصبله دئييل
ماشا وار ايکن الينی يانديرما
نوروز گولو ايله بنووشه بير بيريی گؤمزلر
وارليغين سونو اسله يوخلوغون سونو بيردير
هر نه تؤکسن آشينا ، او چيخار قاشيغينا
يئل وورور يئلنگه لر اوينايير

تاری امانندا

سلام دوستلار

آريق آتدا تَپر چوخ ، يئريمَيه هونر يوخ
بازاری کاساد اولانا مَردَنه گرک اولسون
پايينی يالقيز يئيَن پايينی ديشی ايله توتار
تقدير ايله يازيلان ، تدبير ايله پوزولماز
چاخيری تؤکسن کئچينين گؤتونه قوردون پئشوازينا گئدر
حالين پيسدير  اؤل قورتار
خورُيين ياخشيسی  حاضر اولانيدير
دئييلَجک سؤزو قارنيندا ساخلاما
ذرّه قَدر ايمان ، دونيا قَدَر گوناه
زمان کئچر سؤز قالار
سؤز قوشدور، بوراخارسان اوچار گئدر
شريک ياخشی اولسايدی ، آللاه اؤزونه ياراداردی
صبر ائدن مورادينا يئتشر
قار نه قدر چوخ ياغسا ، يئنه يازا قاتلماز
قاراق قازی تقليد ائتدی ، قاريلتيسينی دا ايتيردی
کؤپگين اييه دوشنی تولادان برک قاچار
مئشه آيی سيز اولماز مئشه چاققالسيز اولماز
نامردين گؤزو دار اولار
واختيندا گؤرولمَميش ايش هميشه گؤرولممَيش قالار
هاردا قاميش ، اورادا جاميش
يئل اَسنده يئللنَر، يول گؤرنده يوللانار

تاری امانندا

سلام دوستلار.

آخيردا گولن ياخشی گولر
اؤکوز اؤلدو، اورتاق آيريلدی
باهاليقدا چؤرَگينی اَسيرگَيَن اوجوزلوقدا يالقيز قالار
پلنگه ات يئمگی ، کئچييَه اوت يئمگی اؤيرتمزلر
تاوا دليک  ياغ توتماز ، تاختا چوروک ميخ توتماتز
چالخالانديقجا زمان نئهره کيمی ، ياغ ياغ اوسته گئدير ، يارما ياوان قالار
خورَگين دادی آغيزدادير
دادسيز شوربايا دوز دا کار ائلَمَز
رشوت جهنّمين آچاريدير
زحمت  تورپاقدا ، نعمت  سفره ده
سؤز گوموش اولسا ، سکوت قيزيلدير
شاهلا پيلوو يئميرم کی ، بيغيم ياغا باتار
صحبت ايله قارييان ، غمدن غصبه دن آزاد اولار
طماحکار اؤز نفسينين قولودور
قاتراندان اولماز شکر ، بير داماری جينسينه چکر
قيز آلان گؤز ايله باخماسين ف قولاق ايله ائشيتسين
کؤپک قوجالاندا ، قوردا گولونج اولار
گزر ديوانه ديوانه پاراسيز درويش
لوتونون ديلينی لوتو بيلر
مالينی ديشين وار ايکن يئه
ننه ياريم u1583 دنَه ايله ده کئچينر
واختسيز گلن قوناق اؤز کيسه سيندن يئير
يئددی قوردابير چاريق نئيلَسين ؟
تاری امانندا

 

دوستلار سلام

آراليق اويونون آراليقدا اوينارلار
باغا يول گئده بيلمز ، ائوينی بئلينده گزديرر
پيشيک ائودن چيخاندا ، سيچانلار باش قالديرار
تَزه ائوه کؤچنده ، کؤهنه ائوين اوجاغيندا کول گؤتررلر
جيدانی چووالدا گيزلتمک اولماز
چؤمچه قازانين تکينی دئشيب
خالتانی آسلان بوينونا وورمازلار
دادماميسان قاز اتينی نه بيلَسَ لذّتينی؟
زامان بير چايدير آخار ، دورماز
سؤزو آت ، ييه سی گ
شر دئمَسن ، خير گلمز
صنعت قولدا قيزيل بيلرزيکدير
ضرورت انسانا هر شئی اؤيردر
طاماحکارليق باشا بلادير
ظاليمين ظلمو ياديندا قالمتز
قاب سيرکَيه گؤره دير
قاچ ثوابدان ، گيرمه گوناها
کئچی جان هاييندا ، قصّاب پيی آختارير
لئيلک گونونو تک  تکله کئچيردر، لئش گؤرنده قوزغونا دؤنر
مالينی يئمَيَنين مالينی يئيرلر، آرلوسونو ده سؤيرلر
واختسيز بانلايان خوروزون باشينی کسرلر
هئچ کيمين آهی يئرده قالماز
يئددی فرسيز اوغولدان بير فرسيز قيز ياخشيدير
يئمَسه اللی ايل بسدير
تاری امانندا

سلام عزیزلر.

آراليق سؤزو ائو ييخار
بازار قورولدو ، حساب دورولدو
پای پايلايان پاييندان اولار
تئز پاريلدايان تئزده سؤنر
جيدانی اوغورلايان يئرينی بيلر
چاخيری تؤکسن سيچانين بوغازينا ، گئدر پيشيگين پئشوازينا
خورَيی دويونجا يئمه ، گؤزون دالينجا قالماسين
داز کئچلدن خوشلانار
راحات اوتورانا نه ولی گلر ، نه حاکيم
زر اولاناين زورو دا اولار
سؤز وار آدامی مست ائيلر، سؤز وار مستی آييلدار
شافتالی گلمَميش ، تاباغی گلدی
صاحيبيندن قاباق بوستانا گيرمه
ظلمون آخيری اولماز
قاتير شيللاق آتار ، چونکی آتاسی ائششکدير
کؤپک صاحيبينی تانييار
گلين اوينايا بيلمير ، دئيير يئراَيری دير
مالی مال ايله اؤلچرلر جانی جانلا
نه دوغراسان آشينا ، او چيخار قاشيغينا
وارلی يوخسوللاشاندا اللی ايل دستگاهينی پوزماز
تاری امانندا

سلام عزیزلر.

آريق آتا قويروغو دا يوکدور

ييخيلان آغاجا بالتا چالان چوخ اولار

هاردا آشدی ، اوردا باشدی

وارلی نين الينی بيچاق کسسه ، يوخسول کؤنَگينی پارچالار

نوه ائولاددان شيريندير

ميخاناچيدان شاهيد ايستَديلر ، سرخوشو گؤستردی

لوتو لوتونو آلداتماز

گؤردون هامی کور، سن ده اول کور

کيشينين اؤزونه باخما ، سؤزونه باخ

کور اوغلونو توتماغا بير کئچل حمزه گرک

قيزی اؤز خوشونا قويسان ، يا مطربه گئدر ، يا زورناچييا

قورد يوواسيندن سوموک اسگيک اولماز

ظاهری گؤزلليک قالارقی دئييل

صداقت قهرمانين زينتی دير

زرگر دوکانينين توزدا قيزيل اولار

دوز يئييب دوز قابينی سينديرما

 تاری امانندا 

 

سلام عزیزلریم.

آريق آتا يوک چاتمازلار

ازار يانسين ، آمما منه بير مانات قازانج اولسون

تارلادا ايزی اولماياناين سفره ده اوزو اولماز

چؤمچه قازانين ديبينه داياندی

داش اورَکلی دوشمنين اورَگينی يارار يومشاقليق

زر ايله اولان ، زور ايله اولماز

ساغساغان ککليگه باخار، اؤز يئريشين دَييشر

شفا حقدندير ، حکيم  سبب دير

قارا خبر تئز ياييلير

تاری امانندا

سلام عزیز دوستلار.

 آغاج گتيرَنين اوّل اؤزون وورارلار

دده مين دامين ييخميشام کی ، قار کوَرمَييَم

رشوت قاپيدان گيررسه ، ايمان باجادان چيخار

سؤزو آت يئره ، گئدر يئرينی تاپار

شرطی شوخومدا کس خرمنده شنه دعواسی چيخماسين

طاماحکارين گؤزونو تورپاق دولدورار

قارتالی اوچوشوندان تانيماق اولار

کؤپک تايا ديبينده ياتار ، ائله بيلر اؤز کؤلگه سيدير

مال يئمزين مالينی يئيرلر، گورونادا سيچارلار

تاری امانندا

سلام دوستان

آز اولسون ، دوز اولسون

اؤزو ييخيلان آغلاماز

امير بازاری يانسين منه بير دستمال قالسين

اورَگيمين داشقينينی آغيز دئير
ايگيدين ايگيددن احتياطی آرتيقدير

باغا چاناغيندا چيخدی ، چاناغينی بَينمدی

تويدان سونرا ناغارانين فايداسی اولماز

 خاراللارا سيغمايان جانيم ، توربا  داغارجيغا سيخيلدی

علی یارتون

سلام رفقا.

آراليق مالی آرادا يئييلر.

گؤرمَميشينی بير اوغلو اولدو ، چکدی داششاقلارين چيخارتدی.

مال آدامين دوشمنی دير.

ننه ائوين کؤتويودور.

وارلی واريندان پای وئرسه ، وارسيزدا وارلی اولار.

يئرينه ايشَمگی بس دئييل ، شيرين چای دا ايسَيير.

ظلم يئرده قالماز.

علی یارتون.

سلام رفقا.

آرواد کيشينين قولتوق ساعاتی دير

دادلی سؤز  جان آرزوسو، داسيز سؤز  باش آغريسی

روزوسو گلن زامان کؤپگين يوخوسو توتار

سئوگی اود دئييل ، آمما اوددان ياماندير

سوبايليق سلطانليقدير

طاماحکاری يالانچی آلدادار

قارداش قارداشی پيچاقلار ، سونرا دؤنوب قوجاقلار

علی یارتون.

سلام رفقا.

اؤردک گليب قاز اولماز، گلين گليب قيز اولماز

اؤزو قازانمايان مال قدرينی بيلمز

مال باشا بلادير

نامه يازماق آساندير، يئتيرمک چتين

وارلی نين چؤرَگی کاسيبين چنَه سينی يورار

هارادا دوه نين قويروغو ، اوراداد ائششگين قولاغی

يئمک ايله دويمايان ، يالاماق ايله نئجه دويار؟

علی یارتون

سلام رفقا

 ظلم ايله برباد اولان عدل ايله آبدا اولار

 قلم توتان ال دامنده قالماز

 کفن موفته اولاندا آدام اؤزونو اؤلدورمز

 مال انسانا ، انسان مالا امانتدير

  وارلينين تورپاغيندان چای کئچر ، کاسيبيندان يول

علی یارتون

سلام رفقا

آللاه قوناغينين اؤز قسمتنی وار

سورو چوبانسيز اولماز

عمرون برکتی ياخشی عمل ايله دير

قلم سلطاندير ، اهلی قلمه روتبه وئيرير

کفن هاوايی اولاندا آدام اؤزونو اؤلدورمز

علی یارتون

سلام رفقا

وارلی اومدوغونو يئير، کاسيب آ اولدوغونو

نامردين چؤرَيی ديزينين اوسته اولار

مرد اؤزوندن بيلر ، نامرد يولداشيندان

کيم گوجلودور حق اونوندور

علی یارتون

سلام رفقا.

آجيقلی ديلَنچی نين تورباسی بوش قالار.

آغاجين ايکی باشی وار.

قوجاليق گلدی گئتمزدير ، جوانليق گئتدی گلمزدير.

علی یارتون