Azeri Blog

بیر جوجوق ایدیم یئره گومدیلار سنی
حیاتا قانادسیز آتدیلار منی
باخ نئجه پوزولوب عمرین گلشنی
حیات سن سیز منه زنداندیر آنا!
قوینوندا بسله نر گوزل دیلکلر
لاییقدیر سجده یه سنه ملکلر
نرده سن،گوزلریم هپ سنی بکلر
باخ اولادین ناسیل گریاندیر آنا!
سن بیر گونش ایدین،دوغدوندا باتدین
یازیق اولادینی غملره آتدین
بیر جواب وئر،هانکی مرادا چاتدین
تورپاقلاردا نئچه زماندیر آنا!؟
بیر آه چکسم سنسیز قوپمازمی طوفان؟
عزیزیم آنا جان،گوزوم آنا جان
یوموق گوزلرینی آچ دابیر اویان
ایندی زمان باشقا زماندیر آنا!
ییخیلیب پایینه اولمک ایسته رم
آنالیق مهرینی گورمک ایسته رم
سنی گورمک ایچون اولمک ایسته رم
تسللیم آه ایله فغاندیر آنا!

میلٌیٌت نه دیر و مرام و مسلک نه دئمک دیر؟بوگون میلٌیٌتی و مسلکی دوشونمک و بونلاری آرشدایرماق و هر بیرین اوزونه اویغون،اوز یئرینده دوشونمک و اصل ایله فرعی،دایمی ایله کوچرینی و هابئله قول ایله بوتاغی،درین دن آنلاماق،هر بیر اوزون آیدین دوشونن و مترقٌی بیلن کیمسه اوچون ان لازم اولان بیلیک لردن و علم لردن بیری دیر.
دونیادا جور به جور میلٌت لر واردیر کی اونلارین هر بیر تک تکین آراشدیرماق و بیلمک ایسته سک،بورادا اونلارین یوزده بیرینه یئر و مجال اولماز.آنجاق بونلار ایله بئله بورادا چوخ قیسسا اولاراق،بیر نئچه سوزون یازیلماسی لازم و گره کدیر.
ملت او جامعه و یا او توپلانتی و او یئرین آدام لاری دیر کی اونلارین جغرافی بیرلیگی،اقتصاد بیرلیگی،سیاست بیرلیگی،فرهنگ بیرلیگی هابئله قانون و مدنی حقوق بیرلیگی مشترک اولموش اولا.
میلٌیٌت و قومیٌت،بو گون کی استنباطا گوره بوتون بو و بیر باشقا شرط لره و قید لرده گوره،بیر منافعه ده و بیر حیثیت ده مشترک اولدوقلاری اوچون،ضررده و قازانج دا برابر و متساوی الحقوق دورلار.
و یئنه ده بوگون کی میلٌیٌتی هر کیم و هر بیر عالیم هر بیر شکیل ده تعریف ائدیب و دوشونجه سی اولچوسونده گوسته ریر سه ده،آنجاق هامی سی اونون وارلیغین و اولدوغون قبول ائدیب و بوینونا آلیب دیر.
دوغرودور کی میلٌیٌت،هر کیمین باخیمیندا و دوشونجه سینده و اوزونه مخصوص اولان مرام و عقیده نین تاثیری آلتیندا اولاراق فرق ائدر.و دوغرودور کی مثلاً بیری میلٌتین شرایطین جغرافی،اقتصاد،دیل،تاریخ و حتی رژیم اشتراک لارین آنلادیر و هابئله بیر باشقاسی بونلاردان سوای اونا مذهب،قیافه،ژن،طبیعت،پیسکولوژیک جنبه و خصوصیت لرینده آرتیریر و یا یئنه ده او بیری سی بونلارین بیر پاراسین قبول و بیر پاراسین رد ائدیر.آنجاق بوتون بونلار ایله بئله هئچ بیری سی،دیل و اونا باغلی اولان ادبیات،فولکلور،آداب و رسوم،میلٌی وجدان و یون لارین باشیندا میلٌی فرهنگی دانا بیلمیر.
میلٌیٌت اوچون،جغرافی،اقتصاد،رژیم،مدنی و اجتماعی حقوق لار هر بیر کیمی ساده جه ایناندیریرسادا و ظاهراً قبول کیمی گورونورسه ده آنجاق بو هله مساله نین و موضوعنون کلیاتی و کامل هویتی دگیل،چون کی جغرافیادان،رژیمدن،قانون لاردان،اقتصادلاردان باشقا، درین درین شرط لرده واردیر کی بونلارسیز،میلٌیٌت مشخصاتی کامل اولاماز.
بو گون ایراندا،تورک ایله فارس میلت لری،ظاهراً و اجباراً مشترک بیر جغرافی و جیزیقدا،اقتصادا،مشترک بیر رژیم ده و قانون لاردا یاشاماقدادیرلار و بو تحمیلی و سوخولان شرایط دن باشقا،آیری آیری مشخصات و هویت لری ده واردیر کی ابداً بیری بیرینه اویغون و اوخشار دگیل.
هر ایکی میلتین،آیری آیری دیل لری،آداب و رسوم لاری و باشقا جوره روح،عصب،خلق،قیافه، بدن و کیملیک دورومو و مشخصاتی واردیر کی اونلاری بیری،بیریندن آیری و مستقل گوسته رمک ده دیر.
و هله جغرافی،اقتصاد،رژیم،قانون اشتراک لاری طبیعی و آیدین اولمادیغی حال دا و بوتون بو شرایط هر ایکی میلٌته شامل گوروندوگو حال دا،اصلیندن و کوکوندن بوسبوتون بو شرایط،پرسیا(فارس)آدی آلتیندا حاکمیت سورمک ده دیر و تورک میلتی اوچون شرایطی و عنوانی اصولاً محکوم دور.
بس گورونور کی میلٌیٌت اوچون جغرافی،اقتصاد،سیاست،مدنی،اجتماعی و حقوقی قانون لار شرایطی حادث و تحمیلی مشخصات دیر نه طبیعی و حقیقی،حال بو کی عاطیفی و طبیعی میلٌیٌت شرایطی اوچون،میلی پیسگولوژی،میلی خوی و میلی اخلاق،میللی دیل و فرهنگ،ادبیات و فولکلور و هابئله میلی آداب و رسوم ان مهم هویت و ان ماهیت لردن بیر دیر.بونا گوره بو گون بیز ایله فارس لاری،بیر میلٌیٌت گوسته ریر سه لرده،آنجاق بو بیزی حقوقی و اونلاری حقیقی گوسته رمک دیر.دئمک کی بیز مستاجر و اونلار حقیقی ائو صاحیبی حساب اولورلار،بس بو شرایط قبول ائتمک ایله برابر بیزه بو حقوقی وئریرلرکی بو ملک ده یاشایاق،حال بو کی حقیقی ملک ییه سی و یا صاحیبی اوچون بو شرایط الزامی دگیل،یعنی ملک اونون دور،هر نه سئوه رسه ائده بیلر.
بس گورونور کی اوزگه لر طرفیندن بیزه وئریلن حقوق،اویله جه ده اوزگه لر طرفیندن آلینا بیلر و بوراسی دیر کی ایراندا میلٌی مساله گره ک دریندن و گره ک یئنی دن آراشدیریلسین.
ایران تورک لرینی،یالنیز آذربایجان آدلی قفسده دوستاق ائده ن لرین حیله سین هله لیک بوتون ایراندا اولان تورک قارداش لاریمیز آیدینجا گوز ائینه آلماییب لار و بو گون روسیه ده، اوروپادا،ایراندا بیزه تورک یئرینه آذربایجان لی آدین گوج و سماجت ایله تحمیل ائده ن لرین هدفی بو دور کی بیزه تلقین ائله سین لر کی تورک فقط آذربایجاندا اولا بیلر.یالنیز او یئرده اولان زمان هله تورک یوخ بلکه آذری آدین آلا بیلر.
بس گورونرو کی آذربایجان و آذری کلمه لرین نه اوچون سماجت و گوج ایله ایشله دیرلر.گوسته ریرلر کی آذربایجان لی فقط او تورپاقدا آذری ساییلابیلر،حال بو کی فارس لار،اوتوز ایل لرجه ده آمریکادا،آلمانیادا،عربستان دا یاشاندان سونرا اوزو و گله جک اوشاق لاری دا،هله ده پرسیا(فارس)نژادیندان دیر و اصیل ایران لی ساییلار.
بو دور کی بو گون،دئمه لی ییک بیزیم میلٌیٌت و قومیتمیز اوچون،وطن فقط و یالنیز توپراق وطن دگیل،و بو جیزیق تکجه بیزیم میلٌی هویت و مشخصاتیمیزی تامین ائتمز.
بس گورونور کی توپراق وطن دن باشقا،اصیل اولان آیری بیر وطن ده واردیر،بس بو حال دا،او وطن نه دیر؟
وطن او یئرده دیر کی اوندا بیر میلتین دیلی،فرهنگی،میلی هویتی یئر توتوب،بسله نسین.بونون اوچون بو وطن هر شئی دن اول میلی دیل و میلی فرهنگی و میلی خصوصیات اوچون بیر قاب دیر.
آیدین دیر کی هر بیر قابین ظاهری گوزه للیگیندن باشقا،ایچینده اولان محتواسی،قابین اوزوندن آرتیق مهم دیر،چون کی بیر قابی و یا حتی صندوقی بونا گوره ساخلاییب سئوه رلر کی قیمت لی و عزیز اولان شئی لری اوز ایچینده تمیز و محفوظ ساخلاسین.
بو دور کی توپراق وطن بیزه جان کیمی اولارسا،فرهنگ وطن و هویت وطن داها روح دور و بو روحی اجبار عالمنیدههر یئرده حفظ ائتمک اولار و تورک لر تکجه آذربایجان وطن ده یوخ بلکه روح وطن ده ده بو میلی وطنی،فرهنگی وطنی دائماً و همیشه کی کیمی حفظ ائتمه لی دیرلر؛چون کی وطن فقط او دگیل کی بیزیم جسد و جمدگیمیز اوندا یئرتوتسون.
یوزلرجه آنا یورت دان قوپان،کوچ ائله ین کوچلری،توپراق وطن بیلمه دن،هر شئی دن اوٌل،اوز آداب و رسوم لارین و میلٌی فولکلورلارین و ادب لرین آنا وطن بیله رک همیشه اونا وفادار قالیب لار.
بو میلی اخلاق و میلی فرهنگی،میلی وجدان و عواطیف توپراق وطن دگیشمک ایله مسلک و دین دگیشمک ایله و حتی مدنیت و قانون لار دگیشمک ایله لاپ اورتادان گئتمز و اونودولماز،بلکه اولا بیلر کی بیر آزدا تکامل تاپیپ گوزه للنسین.
روس لار ایله تورک لر آراسیندا اولا ن مسلک بیرلیگی،اقتصاد و تولید بیرلیگی،جغرافی و رژِیم بیرلیگی هله لیک اولورسادا،میلی وجدان و میلی فرهنگ بیرلیگی،میلی خصوصیات و میلی وجدان بیرلیگی اولاماز؛چون کی توپراق(جغرافی)و اقتصاد و رژیم بیر اولا اولا میلی پیسکولوژی،میلی فرهنگ و دیل و روحیات بیر دگیل و اول بیلمز،چون کی هر سی نین اوز،اوزونه مخصوص خوی،دب،روحیات،اخلاق،عصب و حتی ژنی واردیر،بو دور کی بوتون قومی خصوصیاتی آیری آیری اولان ایکی میلتین توپراغی،اقتصادی،رژیمی،اجتماعسی بیر اولسادا،آنجاق بو ایکی آیری آیری اولان میلت لری بیر میلت ائده بیلمز و سون مرحله ده هر عنصر اوز اصلینه قاییدار.
بو عنصرلین اوز اصلینه قاییتماسی باریش گون لرینده آزاراق گورمک و آنلاماق اولورسادا، آنجاق بحران و یا ساواش و انقلاب گون لری یاخشی و آیدین گورمک اولار.
فارس فرهنگی ایچینده هضم اولان غیرت سیزز تورک لر،بو فرهنگی اللی ایل اولاراق ظالمانه و استعماری بیلمه دیک لری حال دا و اوزلرین کاملاً فارسلیغا ووروب گوزدن ایتن لری ده آز بیر دقت ایله فارس قوموندان اولمادیقلاری گوزه چارپار.بو نه دن دیر؟بو،اوندان دیر کی میلٌی خصوصیات،میلی اخلاقیٌات،میلٌی روحیات،میلی ایرق لار تاپیشیرما و سفارشی دگیل لر،بلکه اوزون زمان لار،مین ایل لرجه،بو خصوصیات بیر میلتین و ائلین قانی و روحی ایله عجین اولوب و هله و یا یوز ایل دیکتاتورلار دستوری ایله قاندان و وجدان دان چیخماز.
بو دور کی توپراق وطن دن آرتیق،آنا وطن اولان همان میلی فرهنگ و میلی وجدان دیر کی جان ایله و عواطف ایله باغلی دیر.
توپراق وطن انسان دان و انسان اجباراً توپراق وطن دن آیریلارسادا،وجدان وطن،فرهنگ وطن،آداب و رسوم وطن همیشه قوجامان داغلار کیمی یئرلرینده تیتره مز دایانماقدادیر.
تهران دا و باشقا اولکه لرده اولان تورک لرین چوخو،آنا توپراق دان آیریلارسالار،حتی آذربایجانین و همدانین و چوخ لو تورک اولن یئرلرین کند و شهرلرین ده ده،آنا توپراق اولا اول میلی اخلاق و تعصب و میلی عواطیف بیلمه دیک لری اوچون همان آنا تورپاقدادا،آنا هویت دن و آنا دیلدن آیریلیب.
البته دوغرو دور کی بو اوز آنا یوردوندان،اوز میلی هویت و میلی شرفیندن ال گوتورمگین سببی،همان اللی نئچه ایل استبدا و استعماری شیو ه لرین تاثیری و نتیجه سی دیر و بیرده هر بیر جمعیتین ایچیندن،بیر نئچه عنصر زمان و مکان تاثری ایله اولا بیلر کی اصل هویتین الدن وئرسین،نئجه کی بیر یوک آلمانین،ایچیندن بیر نئچه سی قوخوموشدا اولار،آنجاق بوتون بونلار ایله بئله منظور بو دور کی آنا فرهنگ و آنا میلی هویت اولمایان و یا آنلامییان یئرده،توپراق چوخ دا موثر دگیل،آچیقجاسی بو کی روح اولمایان یئرده و میلی عواطیف و میلی شعور اولمایان محیط ده جسم دوزگون تکامل تاپا بیلمز.
Dil və adəbyyat
Təbirzli əli

استاد غلامحسین بیگجه خانی در سال 1297 در محله ی سنجران تبریز چشم به جهان گشود.
پدرش حسین قلی خان از استادان صاحب نام و نوازنده چیره دست تار بود.
بیگجه خانی از شش سالگی نزد پدر به آموختن تار پرداخت و پس از مرگ او(در سال 1310 شمسی)نزد رضا قلی زابلی که از شاگردان مشهور پدرش بود،فراگیری تار را ادامه داد.
دوران جوانی را با شنیدن صفحات سنگی قدیمی از استادانی چون آقا حسینقلی،درویش خان،نی داوود و علی اکبر شهنازی گذراند و بعدها از محضر دو استاد بر جسته ی آواز،میر علی اصغر صادق الوعد و اقبال آذر،بهره های فراوان برد.در همین ایام بود که با استاد چیره دست دایره،حاج محمود فرنام،آشنا شد و این آشنایی به همکاری صمیمانه ای منجر شد که حدود 50 سال دوام آورد.      
بیگجه خانی همزمان با تاسیس رادیو تبریز فعالیت خود را در آن آغاز کرد و مدتی سرپرست ارکستر ایرانی رادیو تبریز بود.بعد در رادیو ایران مشغول به کار شد و مدتی نیز به دعوت نورعلی خان برومند در مرکز حفظ و اشاعه موسیقی به تدریس پرداخت.
او آثاری نیز در تنظیم و اجرای موسیقی آذربایجانی دارد.
آخرین کنسرت او با گروه چاوش در سال 1363 برگزار شد .غلامحسین بیگجه خانی در 24 فروردین 1366 در بیمارستان 29 بهمن تبریز در گذشت